Në sallën e kuvendit, sot është mbajtur takim i përbashkët, në mes përfaqësuesve të komunës së Lipjanit dhe atyre të DEMOS-it. Ku në këtë rast, u diskutuan çështjet rreth fillimit të hartimit të planit për mirëmbajtjen e hapësirave të hapura publike në komunën e Lipjanit.
Nënkryetari i komunës së Lipjanit, Fitim Selmi, ka falënderuar zyrtarët e DEMOS-it, për mundësinë e bashkëpunimit, dhe ka thënë se, një projekt i tillë për komunën e Lipjanit, ka qenë tepër i nevojshëm.
Po ashtu, nënkryetari Selimi tha se, me vendim të kryetarit të komunës , Imri Ahemti, është bërë formimi i grupit koordinues dhe grupi punues për përpilimin e planit për mirëmbajtjen e hapësirave të hapura publike në KL.
Në anën tjetër, Christian Wirz ( DEMOS),  ka thënë se komuna e Lipjanit, është ndër pesë komunat e përzgjedhura në nivel vendi që do të nisin përpilimin e Planit për Mirëmbajtjen e Hapësirave të Hapura Publike. Po ashtu, ai ka folur edhe rreth rëndësisë dhe përmbajtjes së planit të punës dhe investimeve që disponon ky projekt.

FotoArkiv