​Pirlo kthehet nga pensionimi, gjen klub të ri

PUBLIKUAR

Fituesi i Kupës së Botës, Andrea Pirlo, është në bisedime të avancuara me klubin gjysmë profesional nga Australia, Avondale FC, për t’u kthyer nga pensionimi për një paraqitje.

39-vjeçari italian për herë të fundit luajti për New York City më 2017, pas një karriere të shquar për gjigantët italianë, Milan dhe Juventus, transmeton Express.

Fox Sports raporton se Avondale, e cila do të luajë ndaj Sydney FC në çerekfinale të FFA Cup, është shumë afër ta bindë Pirlon t’i mbathë këpucët e futbollit edhe për një ndeshje të fundit.

Avondale do të përballet me kampionin në fuqi të FFA Cup të mërkurën më 19 shtator, dhe e gjithë vëmendja tani është kah Prilo, nëse ai do ta bëjë këtë paraqitje habitëse apo jo.

Pirlo luajti për tri sezone në MLS dhe ndeshjen e fundit profesionale e luajti në nëntor të vitit të kaluar. /Express/

 

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...