Tenisti Rafael Nadal, është një adhurues i madh i Real Madridit dhe ai është bërë anëtar nderi i klubit përmes Florentino Perezit në mars të vitit 2011.
Perezi e admiron Nadalin shumë, dhe e ka përshkruar atë si ambasadorin më të mirë të klubit, transmeton Gazeta Express.
“Nadali do të ishte një president i shkëlqyer për Real Madridin”, ka thënë Florentino Perez, i cili është në krye të klubit tash e 15 vite.
Rafael Nadali mund të zgjidhet president i Realit pas vitit 2031, atëherë do të jetë 45-vjeç.
“Ne jemi duke shkuar mirë një herë për njëherë, dhe nuk mendoj se Reali ka nevojë për mua, mirëpo kurrë nuk e di se çfarë mund të sjellë e ardhmja”, ka thënë njëri ndër tenistët më të mirë në botë. /Gazeta Express/


