Nënpresidenti i Interit, Javier Zanetti i është përgjigjur kritikave të trajnerit të Italisë, Roberto Mancini “në lidhje me Kombëtaren” ku ka thënë “talenti duhet të shpërblehet”
Trajneri i Azzurri i ka sugjeruar klubeve të Serie A që ti jepet më shumë hapësirë lojtarëve italian, por një nga ish yjet e tij thotë se kjo gjë nuk është edhe kaq e thjesht.
“Pas dështimit për t’u kualifikuar në Botëror, është e nevojshme që të punohet më shumë me italianët e rinj”, është pajtuar Zanetti gjatë një interviste për ANSA.
“Mancini është një person i duhur për këtë. Në ligë, megjithatë, pavarësisht kombësisë, mendoj që talenti duhet të shpërblehet”.
“Në thelb luan lojtari më i mirë”.
“Skuadra e Kombëtares se Italisë ka nevojë që të ripërtërihet me lojtarët e saj më të mirë të ri. Ne të gjithë jemi të lumtur kur ka lojtarë të mirë italian në fushë. Kjo reflekton në sistemin e lojtarëve të rinj në klube”. /GazetaExpress/


