Manchester Unitedi ishte detyruar ta anulonte fluturimin e një aeroplani privat që duhej ta dërgonte yllin e Atletico Madridit, Deigo Godinin”, në Mançester, në ditën e fundit të afatit kalimtar të verës, sipas Mirror.
Jose Mourinho ka qenë në kërkim të një qendërmbrojtësi tërë verën, dhe kishte vendosur ta sillte në “Old Trafford” qendërmbrojtësin uruguaian, saqë drejtuesit e kishin aranzhuar një aeroplan privat për bartjen e tij nga Spanja në Angli, transmeton Gazeta Express.
Unitedi e kishte aktivizuar klauzolën e Godinit në vlerë 20 milionë euro, dhe pas kësaj e kishin aranzhuar transportimin e tij në Angli.
Por, në momentet e fundit, Atletico ishte kundërpërgjigjur duke i ofruar Godinit kontratë të re, për të cilën ai ishte pajtuar duke e dëshpëruar Unitedin. /Express/


