Fernando ka shënuar golin e tij të parë për skuadrën e tij të re, Sagan Tosu. Ai shënoi me kokë në minutën e 86-të, duke ia siguruar kështu klubit të tij një fitore me rezultat 3-0 kundër Gamba Osaka.
Ndeshja e zhvilluar sot në stadiumin e Sagan Tosut, Best Amenity, është e vlefshme për javën e 24-të të Ligës Japoneze. Skuadra e Torresit është duke luftuar për mbijetesë pasi që ndodhen në pozitën e 16-të nga gjithsej 18 skuadra.
34-vjeçari iu bashkua Sagan Tosus si lojtar i lirë në korrik të këtij viti, pas dy sezoneve me skuadrën e Atletico Madridit. /Gazeta Express/


