Alvin Karaqi ka arritur që të kualifikohet në gjysmëfinale ku do të përballet me garuesin e Axerbaixhanit, Ayhan Mamayev.

Mamayev e ka përkrahjen e publikut vendas pasi që Lojërat Olimpike Evropiane po zhvillohen në Baku të Azerbaixhanit.

E për këtë është i vetdishëm Karaqi, i cili thotë se do ta ketë mjaft të vështirë por se do të japë maksimumin për të bërë krenarë vendin e tij.

“Jam i kënaqur me luftërat që i zhvillova sot. Një kohë të gjatë jam përgatitur për këto lojëra, gjë që edhe kam fituar normën për pjesëmarrje në to”, u shpreh Karaqi.

“Më presin edhe dy luftëra të vështira. Në veçanti përballja me garuesin e Azerbajxhanit, Ayhan Mamayev cili do të ketë përkrahjen e publikut mikpritës, Unë do ta jap maksimumin që të siguroj së paku njërën nga medaljet”, shtoi tutje karateisti kosovar. /Telegrafi/