Atletico Madrid nuk pranon që ta ulë çmimin për mbrojtësin e krahut të majtë, Filipe Luis.
Klubi spanjoll i kërkon 30 milionë euro për brazilianin, i cili dëshiron të transferohet në Paris Saint-Germain, transmeton Gazeta Express.
PSG ende nuk e ka bërë ofertën zyrtare për të edhe pse është interesuar për lojtarin, problemi qëndron te çmimi i vendosur nga klubi madrilen.
Atleti dëshiron që ta zgjidh situatën sa më shpejtë, kështu që të kenë mundësi për ta gjetur zëvendësuesin e Luisit ose të vazhdojnë ta mbajnë lojtarin në skuadër. /Gazeta Express/


