Ish-përfaqësuesi i Kolumbisë, Carlos Valderrama beson se James Rodriguez është në të njëjtin nivel me Lionel Messin dhe Neymarin si lojtarët më të mirë të Kupës së Amerikës.

James shkëlqeu me kombëtaren e tij në Kampionatin Botëror të mbajtur në Brazili vitin e kaluar, duke realizuar gjashtë gola, për tu bërë golashënuesi më i mirë i Botërorit.

Djelmoshat e trajnerit Jose Pekerman nisin kampanjën e Kupës amerikane të dielën kundër Venezuelës dhe Valderrama është i bindur se James ka gjithë potencialin për t’ia siguruar titullin Kolumbisë.

“Nuk jam i befasuar me atë që ka bërë ai te Real Madridi sivjet”, ka thënë Valderrama.

“Ai ka treguar formën e tij që e shfaqi edhe në Kupën e Botës. Është 22-vjeçar dhe mendoj se yjet e Kupës së Amerikës do të jenë James, Messi dhe Neymari. James është në të njëjtin nivel si ata”. /Telegrafi/