Monaco zyrtarisht ka nënshkruar me Aleksandr Golovinin nga CSKA Moscowa për 30 milionë euro, duke nënshkruar një kontratë pesëvjeçare që e mbanë deri në vitin 2023.
Golovini ka qenë i kërkuar nga Chelsea dhe disa ekipe të mëdha evropiane pas paraqitjeve të tij mbresëlënëse me Rusinë në Kupën e Botës, shkruan Express.

22-vjeçari është shprehur i lumtur me transferimin e tij te klubi francez.
“Jam shumë i lumtur që kam nënshkruar me Monacon. Kjo është një aventurë e re për mua që po e filloj me shumë ambicie. Tani mezi po pres që të takohem me stafin dhe bashkëlojtarët e ri dhe t’ia fillojmë punës”, ka thënë ai. /Gazeta Express/



