| Nënkryetari i komunës së Lipjanit, Fitim Selimi, së bashku me drejtorin e Prokurimit, Adem Duriqin, drejtorin për Buxhet dhe Financa, Shkelezen Hajdinin, drejtorin e Shërbimeve Publike, Heset Sahitin dhe përfaqësuesin e kuvendit komunal, Daut Azemin, të enjten kanë pritur në një takim pune, znj. Elizabeth von Capeller, e cila shoqërohej me delegacionin e saj nga qeveria zvicerane. |
| Në këtë rast, u prezantua projekti i DEMOS-it, me rekomandimet e marrura nga ana e komunës së Lipjanit. Po ashtu u diskutuan çështjet e trajnimeve dhe ato të investimeve në kategoritë e përkujdesjes financiare dhe asistencës teknike të cilat i ofron partneriteti nëpërmjet organizatës zvicerane “ Helvetas” dhe asaj të komunës së Lipjanit.
Nënkryetari i komunës së Lipjanit, Fitim Selimi, e ka njoftuar znj, Elizabeth von Capeller, për zhvillimet mbarë komunale, dhe ka falënderuar atë për bashkëpunimin e treguar.
Në anën tjetër, znj Elizabeth von Capeller – asistente e drejtoratit të Përgjithshëm te SDC-së, shefe e departamentit të bashkëpunimit me Evropën Lindore, ka falënderuar nënkryetarin Selimi për pritjen. Po ashtu ajo ka folur edhe për mbështetjen që ofron organizata zvicerane “ Helvetas” nëpërmjet projekteve të DEMOS-it. |
Delegacioni nga qeveria zvicerane viziton komunën e Lipjanit
PUBLIKUAR
