Parma e ka zyrtarizuar nënshkrimin me mbrojtësin nga Rangers, Bruno Alves, i cili erdhi si transferim i lirë.
Portugezi iu bashkua klubit skocez nga Cagliari vitin e kaluar por ka dështuar që të impresionojë drejtuesit e Rangers, transmeton Gazeta Express.
Parma është futur përsëri në Serie A dhe ka filluar menjëherë për t’u përforcuar me lojtarë të ri.
“Parma Calcio 1913 konfirmon nënshkrimin e lojtarit, Bruno Eduardo Regufe Alves, i cili ka nënshkruar kontratë njëvjeçare e cila skadon më 30 korrik, 2019”, shkruan klubi italian në faqen e saj zyrtare. /Gazeta Express/


