Për nder të Ditës Ndërkombëtare të Fëmijëve, e cila shënohet në kuadër të komunës së Lipjanit “ java e kulturës”, kryetari i komunës së Lipjanit, Imri Ahmeti, priti sot në sallën e kuvendit të komunës së Lipjanit, nxënësit e shkollës “ Vëllezërit Frashëri” të shoqëruar nga mësuesja Merita Zeqiri.
Në këtë rast, kryetari Ahmeti, përveç se i uroi nxënësit, dhe ndau dekorata me emblemë të komunës, ai po ashtu tha se dita ndërkombëtare e fëmijëve më tepër kërkon vëmendjen tek prindërit, institucionet e gjithë shoqëria më gjerë.
Në anën tjetër nxënësit, përgjatë diskutimit me kryetarin Ahmeti, bënë pyetje dhe recitale të ndryshme në shënim të kësaj dite.
Ndërsa në fund, në bufen e komunës së Lipjanit, u shtrua edhe një koktej rasti.
