Bazuar në raportimet e mediave turke, Liverpooli dhe Evertoni do të luftojnë për qendërmbrojtësin e Besiktasit, Domagoj Vida.
Çmimi i kroatit besohet të jetë 20 milionë euro me një kontratë që i përfundon në vitin 2022, transmeton Gazeta Express.
29-vjeçari ka bërë mbi 60 paraqitje me Kombëtaren kroate dhe momentalisht është në Kampionatin Botëror që po mbahet në Rusi.
Vida do të vazhdojë ta shfrytëzojë Botërorin në mënyrë që të ngjallë interesime nga klubet e mëdha evropiane.
Kroacia ka kaluar në çerekfinale dhe me 7 korrik do të ballafaqohet me Rusinë për ta kërkuar kualifikimin në gjysmëfinale. /Gazeta Express/


