Trondit trajneri i Argjentinës, e lë Messin jashtë formacionit startues kundër Nigerisë

PUBLIKUAR

Trajneri i Argjentinës, Jorge Sampaoli, është duke planifikuar ndryshime në ndeshjen më vendimtare të ekipit të tij kundër Nigerisë të martën në Shën Petersburg, raportojnë mediat argjentinase.

Sampaoli, i cili është nën presion tejet të madh pasi dy herë fituesi i Kupës së Botës rrezikon të eliminohet herët nga Kupa e Botës Rusia 2018, pas barazimit 1-1 në ndeshjen hapëse kundër Islandës dhe humbjes turpëruese 3-0 nga Kroacia në ndeshjen e dytë, ka eksperimentuar gjatë seancave stërvitore ditët e fundit duke e testuar një formacion 3-4-4 ma praninë dhe varësinë e Lionel Messit, transmeton Gazeta Express.

Kombëtarja nga Amerika Jugore që mbërriti në Rusi si njëra prej favoriteve tani ka nevojë për një fitore ndaj Nigerisë për të kaluar në mesin e 16 skuadrave më të mira.

Sampaoli, i cili u la në baltë nga dy gabime të tmerrshme të portierit të tretë të Chelseat, Willy Caballeros, në ndeshje ndaj Kroacisë të enjten e kaluar, pritet ta ulë në stol portierin veteran dhe në vend të tij ta fusë Franco Armani të River Plates.

Gazeta e përditshme argjentinase “Ole” e ka publikuar një fotografi duke e zbuluar formacionin startues të Sampaolit kundër Nigerisë.

Në fotografi, shihet një skenar ku dy skuadra me nga shtatë lojtarë përballen njëra me tjetrën në stërvitje, por aty vërehet mungesa e Messit.

Sipas mediave argjentinase, përveç Messit pritet të ulen në stol edhe Sergio Aguero, Lucas Biglia dhe Marcos Acuna. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...