Rakitic: Futbolli s’është tenis, Messi s’ka nevojë ta fitojë Botërorin për t’u konsideruar më i mirë

PUBLIKUAR

Pavarësisht se a është e suksesshme apo jo Argjentina në Kupën e Botës këtë muaj në Rusi, Lionel Messi do të jetë lojtarë më i mirë në botë prapëseprapë, sipas Ivan Rakiticit.

Lionel Messi është më i miri pavarësisht se a e udhëheq Argjentinën apo jo drejt lavdisë në Botërorin Rusia 2018, sipas bashkëlojtarit të tij te Barcelona, Ivan Rakitic, transmeton Gazeta Express.

Messi, 30-vjeçar, është ende në kërkim të trofeut të parë të madh me Kombëtaren e Argjentinës, me presionin ndaj tij që është kthyer për të triumfuar në Rusi.

Por, Rakitic, Kombëtarja e të cilit do të luajë kundër Argjentinës, Islandës dhe Nigerisë në Grupin D, ka thënë se Kupa e Botës nuk do ta ndryshonte Messin.

“Natyrisht se ai e meriton Kupën e Botës për atë se kush është ai. Futbolli nuk është tenis, nuk mund t’i bëni presion Messit duke thënë se ai vetë duhet t’ia fitojë Argjentinës Botërorin”, ka thënë Rakitic.

“Ai e meriton atë, por janë 32 vende që e kanë ëndrrën e njëjtë. Nëse e fiton në fund, të gjithë do të jemi të lumtur për të. Megjithatë, historia e tij nuk do të ndryshojë edhe nëse s’e fiton”, shtoi ai.

“Nëse jeni më i miri, jeni individualisht pavarësisht se a e fiton një apo 50.000 tituj. Një Kupë e Botës nuk do ta ndryshojë domethënien e Lionel Messit për futbollin”, theksoi ai. /Gazeta Express/

 

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...