Trajneri i Danimarkës tallet keq me Francën dhe Pogban

PUBLIKUAR

Trajneri i Danimarkës, Age Hareide, e ka akuzuar Paul Pogban se nuk brengoset për asgjë tjetër përveç stilit të flokëve, si dhe ka thënë se kundërshtarja i tij në Kupën e Botës, Franca, nuk është aspak e veçantë.

Danimarka do të luajë në Grupin C në Rusia 2018 kundër Francës, Australisë dhe Perusë, transmeton Gazeta Express.

Ylli i Manchester Unitedit, Paul Pogba, pritet të luajë rol kyç në skuadrën e Didier Deschamps, por Hareide e ka kritikuar mesfushorin 25-vjeçar.

“Ai luajti kundër Manchester Cityt me flokë të lyera kaltër e bardhë. Mbase do t’i lyejë kuq e bardhë për të luajtur kundër nesh. Vetëm për flokët mendon ai?”, ka thënë Hareide.

Franca është e shtatë në botë dhe shkon në Kupën e Botës si njëra prej favoriteve kryesore.

Derisa i akuzoi për mungesë të lidershipit, Hareide ka thënë se skuadra e tij s’ka pse t’i frikësohet Francës.

“Ekipet e renditura në krye të ranglistës botërore janë më të mirat në botë, ama kjo s’vlen për Francën. E pashë Francën kundër Suedisë në Stokholm, nuk janë aspak të veçantë”, shtoi ai. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...