Ish-sulmuesi i Real Madridit, braziliani Ronaldo, ka thënë se Mohamed Salah më shumë i ngjan Lionel Messit në stilin e lojës sesa Cristiano Ronaldos.
Fenomeni Ronaldo e ka quajtur të jashtëzakonshëm anësorin egjiptian, transmeton Gazeta Express.
Salah, 25-vjeçar, ka shkëlqyer këtë sezon duke i shënuar 44 gola në të gjitha garat në edicionin e tij të parë me Liverpoolin.
Egjiptiani shihet si lojtari më vendimtar i Liverpoolit në finale të Ligës së Kampionëve kundër Real Madridit të shtunën mbrëma në Kiev.
Salah e ka mahnitur legjendën braziliane, i cili e ka krahasuar atë me yllin e Barcelonës, Lionel Messin/
“E dua Salahun. Ai është lojtar i jashtëzakonshëm me cilësi të hatashme”, tha Ronaldo për Le Partidazo de COPE.
“Ai duket si Messi. Së fundmi kam lexuar se unë kam qenë frymëzimi i tij dhe kjo gjë më ka eksituar”, shtoi Ronaldo. /Gazeta Express/


