Real Madridi i ka refuzuar dy oferta prej 150 milionë euro për Marco Asension, sipas agjentit të vetë mesfushorit, Horacio Gaggioli.
Asensio, 22-vjeçar, ishte titullar në vetëm 19 prej 22 paraqitjeve të tij në La Liga këtë sezon, duke i shënuar gjashtë gola, transmeton Gazeta Express.
Përfaqësuesi spanjoll vitin e kaluar nënshkroi përsëri kontratë me Madridin, duke e zgjatur marrëveshjen deri më 2023 me një klauzolë lirimi në vlerë 700 milionë euro.
Agjenti i tij, Horacio Gaggioli, ka thënë të enjten se interesimi për Asension ka qenë tejet i madh.
“Madridi i ka marrë dy oferta për Marco Asension, në vlerë deri 150 milionë euro, por klubi i ka refuzuar”, ka thënë Gaggioli për Cadena SER.
“Ai ka të ardhme të jashtëzakonshme”, shtoi ai.
/Gazeta Express/


