Legjenda e Bayern Munichut, Lothar Matthaus, e ka kritikuar mesfushorin spanjoll Thiago Alcantara për formën dhe performancat e këtij viti. Ai beson se klubi bavarez duhet ta shesë atë, në rast se merr ndonjë ofertë të mirë.
Bayerni humbi 3-1 në finale të Kupës së Gjermanisë kundër Eintracht Frankfurtit gjatë të cilës Thiago u zemëruar sepse ishte zëvendësuar, transmeton Gazeta Express.
“Thiago ka dështuar ta bëjë dallimin në ndeshje të mëdha”, ka thënë Matthaus për Sport Bild.
“Në fakt, unë mendoj se ai është i mirë por kohëve të fundit ka qenë hija e lojtarit që dikur ishte. Thiago më ka zhgënjyer në disa javët e fundit. Nuk e di se ku e ka mendjen. Me këto paraqitje, ai nuk është lojtar për Bayern Munchun”, theksoi ai.
“Nëse ndonjë ofertë e vlefshme vjen, atëherë Bayerni duhet ta mendojë atë”, shtoi ai. /Gazeta Express/


