Buffon do të luajë nga minuta e parë kundër Hellas Veronës.
Kampionati i Seria A është gati të përfundojë dhe do ta bëjë këtë në mënyrën se si ne jemi mësuar ta shohim për shtatë sezone radhazi, me triumfin e Juventusit si kampion në stadiumin “Allianz”, ku do të presë Veronën, në një ndeshje që do të ketë shumëçka për të thënë.
Kjo do të jetë hera e fundit që Gianluigi Buffon, do të mbrojë portën e “Zonjës së Vjetër”, pasi ditë më parë njoftoi lamtumirën e tij nga Juve, por jo nga futbolli.
40-vjeçari pret që aventura e fundit, para se t’i varë dorezat në gozhdë, të jetë në një klub tjetër të madh europian (PSG, në veçanti).
Numri një i bardhezinjve do të marrë një vlerësim të përshtatshëm nga i gjithë stadiumi, në veçanti nga “curva”, ku do ta nderojnë me një koreografi, me anë të së cilës do t’i kujtojnë të gjitha vitet e kaluara në Torino. Natyrisht, duke e falënderuar për këmbënguljen e tij dhe vullnetin, që e kanë dalluar gjithmonë.
Por, ndeshja Juventus-Verona ka edhe një tjetër referencë, në lidhje me të dhënat statistikore. Në qoftë se Buffon nuk pëson gola sot, do të ngjitet në kuotën e 23 ndeshjeve me portën e pastër.
Një rekord historik ky, në një kampionat si Seria A, që do të përmirësojë atë të Milanit (22 ndeshje pa pësuar gol), në sezonin 1993-1994, tashmë i barazuar nga Juventusi i sezoneve 2013-14 dhe 2015-2016, raporton Gazeta Express.
Juventus: Buffon; Lichtsteiner, Barzagli, Rugani, Alex Sandro; Marchisio, Pjanic, Sturaro; Dybala, Mandzukic, Douglas Costa
Hellas Verona:



