FC Zurich dhe Basel janë duke e monitoruar Kolollin.
Skuadra e Baselit dhe ajo e Zurich janë futur në garë për shërbimet e mbrojtësit të krahut të majtë, lojtarin e Kombëtares së Kosovës, Benjamin Kololli, raporton “Blick”, transmeton Gazeta Express.
Raportohet se dyja skuadrat janë të gatshme të paguajnë dëmshpërblim deri në dy milionë euro për transferimin e Kolollit gjatë kësaj vere.
25-vjeçari ka shënuar dhjetë gola dhe ka asistuar shtatë herë në 30 ndeshje të zhvilluara këtë edicion.
Ai ka kontratë me Lausannen deri në vitin 2021, kurse karrierë ka bërë edhe te Biel-Bienne, Young Boys, Sion e Le Mont. /Gazeta Express/


