Conte: E ardhmja ime do të bëhet e ditur pas dy javësh

PUBLIKUAR

Trajneri i Chelseat, Antonio Conte, do t’i bëjë të ditura planet e së ardhshmes vetëm pas përfundimit të këtij sezoni.

Thashethemet rreth së ardhmes së Contes kanë qarkulluar tërë sezonin, pasi italiani është lidhur me një largim nga Chelsea për shkak të marrëdhënieve të tensionuara me hierarkinë e klubit, transmeton Gazeta Express.

Chelsea është duke luftuar për pozitën e katërt në Premierligë, e cila është vendi i fundit që dërgon në Ligën e Kampionëve sezonin e fundit, pasi gjatë fundjavës e ngushtoi dukshëm epërsinë e Tottenhamit në vendin e katërt dhe Liverpoolit në të tretin.

Conte nuk dëshiron të flasë për të ardhmen dhe thotë se i gjithë përqendrimi i tij është vetëm te puna.

“Mendoj se jam i sigurt se jam trajner i Chelseat dhe fokusin e kam vetëm këtu. Është shumë e vështirë të komentosh rreth spekulimeve sepse ato nuk janë ndalur që prej fillimit të sezonit, pas ndeshjes sonë të parë kundër Burnley”, ka thënë Conte.

“Mendoj se ju e kuptoni se këto spekulime nuk janë të rëndësishme sepse përqendrimi i vetëm i imi është të punoj në mënyrën më të mirë të mundshme me lojtarët e mi. E bëj këtë nga fillimi deri në fund. Kanë mbetur edhe dy javë dhe sezoni do të mbarojë. Do ta kuptoni nëse gjërat janë ndryshe apo nëse do të më shihni edhe sezonin tjetër këtu”, shtoi ai. /Express/

 

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...