Adhuruesit e Bayernit shpresonin se skuadra e tyre do t’i fitoj të gjithë titujt e mundshëm, por ata janë eliminuar nga Kupa e Gjermanisë.

Rekordmenët e Gjermanisë u mposhtën në shtëpinë e tyre nga rivali Borussia Dortmund nëpërmjet penalltive në kuadër të gjysmëfinales.

Trajneri i bavarezve, Pep Guardiola ka thënë se është krenar me lojtarët e tij edhe pse ata dështuan për të shkuar në finale e madhe.

“Nuk kam qenë kurrë më krenar për këtë skuadër. Nuk mund të kritikohet një skuadër, kur luan kaq mirë. Ne bëmë gjithçka kishim mundësi dhe jam i lumtur me këtë gjë”.

“Ne luajtëm mirë dhe patëm probleme vetëm për 15 minuta, pasi u fut Mkhitaryan në lojë. Nuk kemi luajtur kurrë kaq mirë kundër Dortmundit, që kur kam ardhur në Gjermani. Urime Dortmundit dhe i uroj fat në finale”, tha Guardiola. /Telegrafi/