Rahoveci mban primatin e vreshtarisë në Kosovë. Edhe prodhuesit e alkoolit vendorë janë kryesisht të këtij qyteti. Por, ka diçka që këta dhe prodhuesit tjerë të këtyre pijeve, e bëjnë pa ndonjë ligj.
“Vetëm për deklarim të venave dhe vreshtave, por pijeve të forta ju ka munguar”, ka thënë Ylber Bajraktari nga Stone Castle.
Ai thotë se u gëzua fort për lajmin që Ministria e Bujqësisë ka proceduar javën e kaluar projektligjin për pijet e forta alkoolike.