Nënkryetari i komunës së Lipjanit, Fitim Selimi, së bashku me drejtorin e Administratës, Fauz Xhemajlin, kanë pritur sot në takim, udhëheqësen e Drejtoratit të Rrjeteve dhe Telekomunikimeve – Agjencioni i Shoqërisë së Informacionit, Merita Seferi- Haxhiu.
Në këtë rast, janë diskutuar për pajisjet e teknologjisë informative, gjendja e tyre si dhe janë dhënë informacione për gjendjen faktike brenda komunës së Lipjanit.
Po ashtu, zyrtarët nga Agjencioni i Shoqërisë së Informacionit, në përbërje të Merita Seferi-Haxhiut, kanë ndarë për komunën e Lipjanit pajisje të teknologjisë informative në vlerë prej 4.407 eurove, njofton zyrja për informim Lipjan.
