Kryetari i Komunës së Lipjanit, Imri Ahmeti, së bashku me drejtorin e Drejtorisë së Arsimit në Lipjan Rasim Hasanin, kanë vizituar shkollat në ndërtim: Shkollën e Mesme të Gjimnazit “Ulpiana”, si dhe Shkollën fillore ne fshatin Gllogovc. Me këtë rast kryetari Ahmeti ka shprehur shqetësimin e tij rreth punimeve në ndërtimin e objektit të shkollës së Mesme të Gjimnazit “ Ulpiana” në Lipjan.

Ai në të njëjtën kohë ka theksuar se ky objekt është nevojë urgjente të jetë i gatshëm për nxënës edhe pse kjo shkollë është dashur të përfundoj vite më parë. Kryetari Ahmeti kërkon nga MASHT-i që ti përfundoj të gjitha punimet rreth ndërtimit të kësaj shkolle deri në qershor të këtij viti, në të kundërtën komuna e Lipjanit do ti marr përsipër kompetencat për vazhdimin e pjesës së mbetur të punimeve në këtë objekt shkollor., thuhet ne njoftimin e KKlipjan.