Për shkak të reshjeve të shumta, është shtuar lagështia e tokës. Kjo është arsye pse ende nuk kanë filluar të mbjellat në arat e Lipjanit.

Bujqit e kësaj komune thonë se janë në fazën përgatitore. Bedri Krasniqi thotë se përveç 10 hektarëve tokë që i ka pronë të tij, ka marrë me qira edhe 150 hektarë të tjerë për t’i punuar gjatë verës.

Zyrtarë komunalë thonë se janë te përkushtuar që edhe ekonomitë familjare t`i mbështesin me serra.

Mbështetjet me subvencione për këtë vit janë shtuar si për mbjellje ashtu e dhe për krerë të bagëtive – thonë zyrtarë nga drejtoria për bujqësi e Komunës së Lipjanit.

Furnizimi me repromaterial është i bollshëm çmimet nuk po ndryshojnë nga viti i kaluar, grantet janë në dispozicion farmeri ti shfrytëzoj këto në mënyrë që të ngrisë standardin jetsor duke u marrë me kultivimin e kulturave bujqësore.

Bujq dhe zyrtarë komunalë të Lipjanit thonë se investimet, subvencionet dhe grantet në bujqësi janë rasti më i mirë i ngritjes ekonomike të familjes dhe shoqërisë kosovare në përgjithësi.