Cengiz Under ka ndrydhur gjurin, por nuk është lëndim serioz – ai do të jetë gati për Barcelonën.
Cengiz Under do të mungojë në miqësoren që Turqia e zhvillon kundër Republikës së Irlandës për shkak të ndrydhjes së gjurit – por nuk pritet që ta mbajë shumë jashtë fushave yllin e Romës.
Trajneri i Turqisë, Mircea Lucescu, ishte ai që konfirmoi lëndimin e talentit të Romës. Fillimisht tha se ka pësuar një dëmtim, ndërsa më vonë u zbulua se e ka ndrydhur gjurin e majtë.
Sido që të jetë, sipas “Premium Sport” pas kontrollit të hollësishëm, është vërtetuar se nuk bëhet fjalë për një lëndim serioz dhe se talenti 20 vjeçar do të jetë i gatshëm për ndeshjet kundër Bolognas dhe në Ligën e Kampionëve kundër Barcelonës. /Gazeta Express/
