Qendra shkupjane, Bojan Trajkovski, ka thënë pas fitores kundër Kozhuvit se Sigal Prishtina është ekipi më i mirë në Ligën Ballkanike.

Trajkovski ishte njëri ndër lojtarët e dalluar të Prishtinës në fitoren e thellë(85-61), dhe kontribuoi me 10 pikë e gjashtë kërcime.

I intervistuar menjëherë pas lojës nga gazetari i mirënjohur shqiptar, Andin Lokaj, Trajkovski tha: “Ne jemi ekipi më i mirë në Ligën Ballkanike. Duke e pasur parasysh se udhëtimi në Gjevgjeli për ndeshjen e dytë do të jetë i vështirë, është dashur të fitojmë sonte me rezultat edhe më të thellë”. /Telegrafi/