Kryetari i Komunës së Lipjanit, Imri Ahmeti, sot në zyrën e tij, ka ndarë mirënjohje Forcës së Sigurisë së Kosovës, njësitit të task-forcës, për kontributin e dhënë në koordinim dhe kërkim-shpëtim dyjavor në lumin “ Sitnica” për gjetjen e trupit të pajetë , Arlind Gashi nga fshati Ruvc i Vjetër.
Kryetari Ahmeti, ka falënderuar ekipet e FSK-së, dhe ka ndarë mirënjohje për angazhimin dhe përkushtimin e treguar.
“ Kujtoj se ekipa e FSK-së, me angazhimin dhe përkushtimin në ato ditë të ftohta, në ato ditë të rënda për familjen Gashi, kanë dhënë maksimumin për të menaxhuar dhembjen që normalisht e kemi ndjerë të përbashkët” , tha kryetari Ahmeti.
Ndërsa, në emër të FSK-së, njësitit të task-forcës ka folur kolonel Muharrem Rrahmani, ai tha se operacioni i kërkimit ka përfunduar me gjetjen e trupit të pajetë, dhe se gjitha përpjekjet janë bërë për të mbështetur Komunën e Lipjanit dhe familjarët e djaloshit të zhdukur.
Mirënjohje po ashtu ka ndarë edhe prindi i Arlindit, Agim Gashi, ai ka falënderuar kryetarin Ahmeti dhe pjesëtarët e FSK-së, që kanë bërë gjithçka që është e mundur për gjetjen e trupit e pajetë të birit të tij.
