Inter-Wolfsburg ishte një ndeshje e veçantë për mbrojtësin italian Davide Santon.

Me prezencën e tij në fushë si titullarë u aktivizua klauzola që e bën mbrojtësin italian plotësisht një lojtar të Interit duke qenë se ai u afrua në formë huazimi me të drejtë blerjeje.
Agjenti i 24-vjeçarit pohoi se tashmë gjithçka është konfirmuar dhe Interi do të paguajë 3.7 milion Euro në arkën e Newcastle për kartonin e djaloshit teksa shtoi që i vjen keq që ky operacion zyrtarizohet më një humbje përballë tifozëve.
“Tani është e kryer gjithçka dhe Santon është lojtar i Interit. Klauzola ka qenë kjo dhe Interi do t’ia paguaj paratë Newcastles për transferimin e përhershëm të Santonit. Lojtari do të nënshkruaj kontratë katër vjeçare”, tha agjenti i lojtarit. /Telegrafi/