Roma nuk po kalon momentet e saj më të mira këtë edicion dhe kjo natyrisht i ka revoltuar tifozët.

Në ndeshjen e Ligës së Evropës, verdh e kuqtë humbën me rezultat të thellë 3-0 në shtëpi nga Fiorentina dhe u eliminuan nga kjo garë, transmeton Telegrafi.

Por pas këtij rezultati të thellë tifozët u revoltuan dhe njëri prej tyre është futur në fushë për t’i sulmuar lojtarët e Romës.

Fati i mirë i lojtarëve ishte se sigurimi i stadiumit ishte i shpejtë dhe e ndaloi tifozin për të bërë ndonjë gjest të pahijshëm ku e larguan pastaj nga stadiumi ‘Olimpico’.

Tifozët i kanë dhënë ultimatum të gjithë lojtarëve të Romës që t’i kthehen fitoreve nga ndeshja ndaj Cesenës. /Telegrafi/