Edhe pse është ftuar, Mario Mandzukic mund të mos e nis nga fillimi sfidën kundër Lazios, çka do të thotë se “Zonja e Vjetër” do të jetë pa sulmues qendror, pasi edhe Gonzalo Higuain është i dëmtuar.
Sipas asaj që raporton “Football-italia”, sulmuesi Mario Mandzukic mund të mos e nis ndeshjen nga fillimi që Juventusi e zhvillon nga ora 18:00 me Lazion.
Raportohet se kroati ka shqetësime të vogla dhe se Allegri nuk dëshiron të rrezikojë para ndeshjes së kthimit në Ligën e Kampionëve kundër Tottenham Hotspur që do të zhvillohet të mërkurën.
Mandzukic pritej të startonte në Romë me dyshen Paulo Dybala dhe Douglas Costa në sulm.
Por, raportet e fundit thonë se kroati do të zëvendësohet në qendër të sulmit nga Dybala, ndërsa Alex Sandro edhe njëherë do të luajë në krah së bashku edhe me Costan. /Gazeta Express/
