Lewandowski ka përsëritur se është i interesuar vetëm për Bayern Munichun dhe se nuk po mendon për spekulimet që e lidhin me Madridin.

Sulmuesi i Bayern Munich, Robert Lewandowski, ndërroi ditë më parë agjentin, çka shtyri mediat gjermane dhe spanjolle të spekulojnë se kjo lëvizje mund të ketë qenë për t’iu afruar edhe më shumë Real Madridit, diçka që e ka hedhur tani poshtë vet 29 vjeçari.

“Jo, kjo (ndryshimi i agjentit) nuk ka të bëjë me spekulimet”, u shpreh Lewa.

“Nuk kam dëgjuar asgjë nga Real Madridi. Nuk e di nëse edhe agjenti ka pasur kontakte, kështu që njerëzit mund të shkruajnë çfarë të duan, por nuk më intereson mua”, shtoi Lewandowski.

Lewa iu bashkua Bayernit në vitin 2014 ku ka bërë 181    paraqitje dhe ka realizuar 139 gola. /Gazeta Express/