Valverde ka bërë shaka me gazetarët në konferencë për media, kur është pyetur për Arthurin që sipas mediave braziliane, është shumë afër kalimit në “Camp Nou”.
Trajneri i Barcelonës, Ernesto Valverde, i është shmangur pyetjes për interesimin për mesfushorin e Gremios, Arthur, duke thënë se fillimisht mendoi se po pyetet për ndonjë aktor.
Kur u pyet për Arthurin, Valverde tentoi t’i bindë gazetarët duke u përgjigjur me injorancë.
“Arthur? Si ishte mbiemri i tij? Mendova se ai ishte aktor. Ai është në një tjetër ekip, e kam shikuar, si shumë të tjerë”, u përgjigj Valverde.
Mediat braziliane vazhdimisht janë duke raportuar se Arthur është shumë afër kalimit në “Camp Nou” për 40 milionë euro. /Gazeta Express/
