Karim Benzema dhe Gareth Bale tashmë e dinë se Real Madridi do t’i shesë të dy gjatë afatit kalimtar të verës, prandaj edhe kanë vendosur t’i vlerësojnë opsionet më të mira për ta vazhduar karrierën e tyre profesionale, sipas Mundo Deportivos.
Trajneri Zinedine Zidane, i cili ishte ai që dha fjalën e fundit për BBC-në në tregun e transferimeve, tanimë nuk do ta ketë këtë obligim, transmeton Express.
Sipas të përditshmes spanjolle, Karim Benzema është duke i studiuar ofertat e majme nga Kina si dhe rikthimin e mundshëm në Francë.
Ndërkohë, Bale do të kthehet në Premierligë dhe tashmë i ka dy opsione, të luajë për ish-skuadrën Tottenham Hotspur apo të transferohet në Manchester United.
Presidenti i gjigantit spanjoll, Florentino Perez, e ka të qartë se faza e parë e revolucionit në Madrid do të nisë këtë verë me dy lojtarë që do ta zëvendësojnë BB-në e BBC-së. /Express/
