Ministri i Arsimit, Shkencës dhe Teknologjisë, Arsim Bajrami, ka thënë se 7 Marsi – Dita e Mësuesit – është ditë e veçantë për arsimin kombëtar, 7 Marsi – Dita e Mësuesit.

“Është dita kur ne kujtojmë rrugën e gjatë dhe të vështirë, të cilën e bënë mësimdhënësit tanë për të mbrojtur mësimin në gjuhën shqipe, për të edukuar dhe arsimuar breza të tërë”, thuhet në urimin e ministrit Bajrami, teksa shton se arsimi bartë dimensionin e frymëzimit të gjeneratave për dije, dashuri dhe liri.

“Ju, mësimdhënës të dashur, keni përgjegjësinë kryesore për ndërtimin e një shoqërie të arsimuar që garanton një shtet të fuqishëm. Vetëm me kontributin tuaj për mësimdhënie cilësore, ne do të mund të përshpejtojmë rrugën drejt të një ardhme më të mirë për fëmijët tanë”. /Telegrafi/