Në orët e hershme të mëngjesit të ditës e cila shënon dhjetëvjetorin e pavarësisë së Kosovës lindi vajza me emrin Renea Kozhani, e cila nga ambasada finlandeze mori si dhuratë “Pakon e Amësisë“.

Alltëne Vuniçi është nëna e cila e solli në jetë vajzën, Renea Kazhani e cila ka ardhur në jetë sot në ora 03:40 dhe peshonte 3.350 kilogram.

“Pakoja e amësisë” apo “kutia e foshnjës finlandeze” është një kuti e njohur në tërë botën me gjëra të nevojshme për vitin e parë të lindjes së fëmijëve, e cila jepet falas nga qeveria finlandeze për të gjitha foshnjat që lindin në Finlandë. Finlanda është shteti nga ku nis historia e pakos së amësisë. Qysh në vitet 40-ta u prezantuan versionet e para të saj. Në fillim kutia për foshnje ishte një mjet për të mbështetur familjet e varfra dhe për të siguruar që nënat ishin të përfshira në sistemin kombëtar të kujdesit shëndetësor

“Ne kemi menduar në Ambasadë se çfarë dhurate të bëjmë për dhjetëvjetorin e pavarësisë dhe menduam ta dhurojmë një pako finlandeze e cila u dhurohet të gjithë fëmijëve që lindin në Finlandë e cila i mbulon shpenzimet për një vit”, ka thënë ajo.

Prezentë ishte edhe zëvendës ministri, i Ministrisë së Shëndetësisë, Granit Abdullahi i cili tha se janë duke u munduar që të përmisojnë kushtet për stafin, nënat dhe fëmijët që lindin në këtë klinikë.

“Ne si ministri jemi duke u munduar që t`i përmisojmë kushtet për stafin, nënat dhe foshnjat në këtë klinikë. Po ashtu ne jemi të përkushtuar ta vazhdojmë bashkëpunimin në mjekësi mes këtyre dy vendeve”, ka thënë Abdullahu.

Ndërsa drejtori I klinikës së Neonatologjisë Dr.Xhevdet Gojnovci, ka thënë që është I lumtur për prezencën e ambasadores në këtë klinikë dhe për dhuratën e saj.

Foshnja është pagëzuar me emrin Renea dhe ka lindur më 17 shkurt 2018, në ora 03;40, dhe është nga Lipjani. /ZERI