19 shkurt 2015- Sot në Sallën e Kuvendit Komunal,nën organizimin e Qeverisë së Republikës së Kosovës, dhe në mbështetje të Komunës së Lipjanit është organizuar diskutim publik me pronarë të pronave të cilat shpronësohen në ndërtimin e autostradës e cila përshkon disa nga fshatrat e Komunës së Lipjanit.
Në këtë takim të përbashkët me zyrtarë nga Ministria e Mjedisit dhe Planifikimit Hapësinor( MMPH), qytetarët e komunës së Lipjanit, diskutuan në lidhje me shpronësimin e pronave të tyre.
Në këtë rast, kreu komunal, Imri Ahmeti, i informoi qytetarët e Komunës së Lipjanit, se projekti i ndërtimit të autostradës është vendim nga Qeveria e Republikës së Kosovës, dhe kërkoi nga ana e qytetarëve që t’i shfrytëzojnë gjitha rrugët ligjore në realizimin e të drejtave të tyre
