Manchester United është duke insistuar për Paulo Dybalan, por duket se Juventusi ka plane tjera për argjentinasin.

Është shefi ekzekutiv i Juves, Giuseppe Marotta, që ka thënë se nuk e kanë në plan ta hedhin në shitje Dybalan, pavarësish spekulimeve.

“Afati kalimtar i janarit është për ta riparuar skuadrën dhe fatmirësisht ne jemi të mbuluar mirë në të gjitha repartet”, tha Marotta për “Mediaset Premium”.

“Nuk i kemi vënë çmim Paulos, kështu që është e vështirë për të bërë një vlerësim. Nuk e kemi ndërmend ta qesim atë në shitje”, shtoi ai. /Gazeta Express/