Mandzukic, 31-vjeçar, ka refuzuar oferta nga skuadrat Beijing Guoan, Tianjin Quanjian dhe Shaghai Shenhua, si dhe së fundmi një nga Hebei Fortune, përkundër faktit se i ishte ofruar një pagë vjetore prej 15 milionë euro në një kontratë me kohëzgjatje dyvjeçare, transmeton Express.

Megjithatë, kroati ka për qëllim të vazhdojë me Juventusin.

Ndërkohë, edhe Edin Dzeko dëshiron të qëndrojë te Roma. Corriere dello Sport raporton se klubi meksikan Monterrey dhe dy skuadra kineze janë të interesuara për Dzekon, të cilat janë të gatshme t’i ofrojnë atij kontratë trevjeçare me pagë vjetore në vlerë 12 milionë euro.

Por, boshnjaku nuk e ka ndërmend të largohet nga kryeqyteti italian.