Jurgen Klopp e ka pranuar se është dorëzuar para presionit të jashtëm për ta futur në formacionin startues Trent Alexander-Arnoldin në fitoren 5-0 të Liverpoolit nda Swansea City, pas një takimi me të ëmën e mbrojtësit.
Nëna e Alexander-Arlondit e vizitoi klubin e Liverpoolit javën e kaluar, kur edhe ia shpjegoi Kloppit se familja e gjerë e 19-vjeçarit kishte ardhur nga Shtetet e Bashkuara për ta përcjellë ndeshjen e së mërkurës mbrëma, transmeton Express.
Klopp e kishte marrë bisedën si shenjë për ta futur në formacion startues talentin e ri dhe i është shpaguar, pasi Alexander-Arnold shënoi gol në këtë ndeshje, i cili ishte i pari për të në Premierligë para tifozëve të vet.
“Nëna e tij ishte në zyrën e drejtorit tonë sportiv javën e kaluar dhe më tha se e tërë familja kishte ardhur nga Amerika. Prandaj pyeta nëse ky ishte urdhër për të që të ishte në formacionin startues, dhe ajo tha po. Jemi të lumtur për të. Është një tregim fantastik”, ka shpjeguar Klopp. /Express/
