Edgar Çani është sulmuesi më i ri i Leeds United. Lajmi konfirmohet nga mediat italiane (tuttomercatoweb), si dhe ato angleze, sipas të cilave, shqiptari ka udhëtuar që dje pasdite në Angli për të firmosur kontratën e tij të re.

Sot pritet që ai të paraqitet para mediave për të bërë prezantimin e parë si lojtar i kësaj skuadre.

Gjithashtu do të mësohet edhe kohëzgjatja e kontratës që shqiptari ka firmosur me klubin anglez, i cili arriti ta bëjë të vetin pasditen e djeshme pas një lufte me Barin, transmeton panorama sport.

Në fakt, dje në mëngjes Çani ka qenë një hap larg rikthimit te Bari, klub tek i cili luajti vjet gjatë pjesës së dytë të sezonit. Por, në orët e pasdites, erdhi edhe katapultimi i situatës.