Sulmuesi i Barcelonës, Neymar, u kritikua nga lojtarët e Atletico Madridit dhe u vërshëllye nga tifozët madrilenë gjatë ndeshjes së Copa del Rey, të cilën katalunasit e fituan me rezultat 3-2.
Sulmuesi brazilian shënoi dy gola për t’ia fituar ndeshjen Barcelonës, mirëpo nxiti shumë reagime të lojtarëve të Atleticos dhe tifozëve me gjestet e tij.
“Askush nuk është i obliguar që ta dojë dikë, mirëpo ekziston një gjë që quhet respekt”, ka shkruar Neymar në profilin e tij në Instagram.
22-vjeçari ka shënuar 21 gola në 25 ndeshje në të gjitha garat për Barcelonën këtë edicion. /Telegrafi/
