Portieri italian pritet t’i varë dorezat në fund të këtij sezoni dhe ka thënë se do të vazhdojë të luajë vetëm nëse Juventusi e fiton Ligën e Kampionëve, në mënyrë që të mundë të luajë në Kupën e Botës, transmeton Express.

Buffon u pa duke folur me drejtorin sportiv të Interit, Piero Ausilio, të shtunën mbrëma para Derby d’Italia, ndërsa Sport Mediaset raporton se veterani i ka thënë drejtorit sportiv të “Zikaltërve” se mund të vazhdojë të luajë.

Raportohet se Buffon e ka bërë të qartë se është i gatshëm të luajë për edhe një sezon tjetër, por vetëm nëse Juve e konsideron shumë të rëndësishëm.

Prapëseprapë ka pak mundësi që 39-vjeçari të luajë edhe për një sezon tjetër. Juventus e ka bërë të qartë se Buffon mund të bëhet drejtor sportiv apo të marrë ndonjë rol në strukturën e trajnerëve.