Trajneri i Manchester Unitedit, Jose Mourinho, ka thënë se është interist dhe se edhe nga larg dëshiron ta shohë Interin duke bërë mirë.
“Zikaltrit” janë në vendin e parë në kampionatin italian Serie A, si dhe skuadra e vetme e pamposhtur deri tani këtë sezon, transmeton Express.
Pas humbjes 2-1 ndaj Manchester Cityn në derbin e Premier Ligës, Mourinho u pyet nëse trajneri i Interit, Luciano Spalletti mund t’i ndjekë hapat e tij.
Mourinho u përgjigj: “Luciano ka historinë e vet, por jam i lumtur t’i shoh ata në vendin e parë”, ka thënë Special One.
“Jam interist dhe gjithmonë dua t’i shoh duke bërë mirë, madje edhe nga larg”, ka shtuar ai. /Express/
