Genoa ka zyrtarizuar ish sulmuesin e Fiorentinës dhe Italisë, Giuseppe Rossi, si transferim i lirë, transmeton Gazeta Express.

Rossi, që pak kohë më parë është kthyer nga lëndimi i rëndë, do të jetë pjesë e Genoas deri në fund të këtij edicioni.

Ishi i Manchester United dhe Villarrealit është liruar nga Fiorentina verën e kaluar, pasi pësoi lëndimin e pestë serioz në gju.

Rossi ka shënuar shtatë gola në 29 paraqitje për Italinë, megjithëse nuk është paraqitur për vendin e tij që nga viti 2014. /Gazeta Express/