Në një komunikatë të lëshuar nga Lëvizja Vetëvendosje, i është bërë thirrje kryeministrit në largim, Hashim Thaçi që së bashku me kryetarin e VV-së të debatojnë rreth “idealeve dhe parimeve të Vetëvendosjes”.

“Kryeministri në ikje kishte nisur të shqetësohet për idealet e parimet e Lëvizjes VETËVENDOSJE! dhe kishte filluar ta përmend bashkimin kombëtar. I bëj ftesë publike Hashim Thaçit për debat të drejtpërdrejtë në televizionin publik ku do të kemi mundësinë të diskutojmë mbi parimet, idealin e bashkimit kombëtar, ndërprerjen e dialogut me Serbinë dhe çështje të tjera politike, sociale dhe ekonomike”, thuhet në një komunikatë të lëshuar nga Vetëvendosje.

Gjatë ditës, kryeministri në largim, Hashim Thaçi kishte shkruar për Vetëvendosjen se “kjo parti me vrull shkeli të gjitha idealet dhe parimet e saj të proklamuara, vetëm e vetëm që ta forcojë bllokun e inatit”.