Rinia Dekomkratike  në Lipjan brengos fakti  që në arsimin parauniversitar në komunën e Lipjanit po vazhdon të ketë largime selective.

“Nuk mund te jemi indiferent karshi zhvillimeve tendencioze të ulëta ndaj problemeve të shfaqura në arsimin e komunës sonë. Ky degradim po vazhdon të jetë shqetësim tepër i madh i të gjithë qytetarëve të komunës së Lipjanit.
Brengos fakti që në arsimin parauniversitar në komunën e Lipjanit po vazhdon të ketë largime selektive( dëshmi nga Inspektoriati rajonal i Arsimit), shumë lëndë në gjykata, punësime pa kriter të militantëve partiak të pushtetit aktual, deri te bastardimi total i sistemit arsimor përmes formave të presionit ndaj mësimdhënësve.
Paramendoni se si në shkollat e Lipjanit bëhen pagesa selektive e mësimdhënësve psh: Fakulteti i Edukimit konsiderohet adekuat (nga pushteti) në shkolla të mesme dhe marrin rrogën e plotë, ndërsa titulli bachelor konsiderohet jo-adekuat… ( shih.UA-9/2014 normativ mbi kuadrin profesional të arsimit të përgjithshëm, i cili specifikon decitivisht kush ka të drejtën të punoj dhe kush është adekuat për pozitën e punës dhe në mënyre të çartë :Fakulteti i Edukimit është adekuat vetëm për arsimim e mesëm të ulët dhe nuk e kanë të drejten e punës në shkolla të mesme).
…Në bazë të këtij kriteri etj, duhët të bëhen edhe pagesat e mësimdhënësëve. Ndërsa, veçmas në shkollat e mesme ka diskriminime selektive në paga duke u nisur nga ky fakt..
Me dëshirën që edukimi të jetë prioritet i zhvillimit të shoqërisë demokratike, dhe asesi institucion ku pushteti rahaton militantët. Shpresoj që të pakten ky pushtet më shumë të mësoj për respektimin e ligjit, i cili po shkelet vazhdimisht duke injoruar dhe shtypur të drejtat fundamentale të qytetarëve.”

RDK-Lipjan